ກອງປະຊຸມຄັ້ງທີ VIII ຂອງຜູ້ແທນຊາວໜຸ່ມທົ່ວເມືອງ ຕຸ້ມລານ

٬

ກອງປະຊຸມຄັ້ງທີ VIII ຂອງຜູ້ແທນຊາວໜຸ່ມທົ່ວເມືອງ ຕຸ້ມລານ ກໍ່ໄດ້ເປີດຂຶ້ນໃນຕອນເຊົ້າຂອງວັນທີ 03 ຕຸ ລາ 2018 ຜ່ານມານີ້,ຢູ່ທີ່ສະໂມສອນຂອງເມືອງ, ພາຍໃຕ້ການເປັນປະທານ ຂອງທ່ານ ນ. ສຳລັງ ບຸດຕະລາດບົວສີ ເລຂາຄະນະບໍລິຫານງານຊາວໜຸ່ມເມືອງ ຕຸ້ມລານ, ໃຫ້ກຽດເປັນຄະນະປະທານຂອງທ່ານ ຈັນສະໝອນ ພົມມະແສງ ກຳມະການພັກແຂວງ,ເລຂາພັກເມືອງ ເຈົ້າເມືອງໆ ຕຸ້ມລານ, ທ່ານ ຈັນສີລອນ ສີສົມບູນ ກຳມະການພັກແຂວງ ເລຂາ ຄະນະບໍລິຫານງານຊາວໜຸ່ມແຂວງ ສາລະວັນ,ມີຄະນະປະຈຳ,ກຳມະການພັກ ແລະ ແຂກຖືກເຊີນຈາກບັນດາຫ້ອງການອ້ອມຂ້າງເມືອງ,ຕ່າງເມືອງ ມີ ຜູ້ເຂົ້າຮ່ວມທັງໝົດ 163 ສະຫາຍ,ຍິງ 38 ສະຫາຍ, ຜູ້ແທນສົມ ບູນ 136 ສະຫາຍ,ຍິງ 26 ສະຫາຍ, ເປັນກຽດເປີດກອງປະຊຸມໃນຄັ້ງນີ້ ຂອງທ່ານ ນ. ສຳລັງ ບຸດຕະລາດບົວສີ ເລ ຂາ ຄະນະບໍລິຫານງານຊາວໜຸ່ມເມືອງ ຕຸ້ມລານ.
ກອງປະຊຸມໄດ້ຮັບຟັງການຜ່ານບົດລາຍງານການເມືອງ, ຜົນສຳເລັດຂອງການຈັດຕັ້ງປະຕິບັດແນວທາງມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ IX ຂອງຄະນະພັກເມືອງ ຕຸ້ມລານ, ເຫັນວ່າຕະຫຼອດໄລຍະຂອງການດຳເນີນກອງປະຊຸມ, ບັນດາຜູ້ແທນກອງປະຊຸມກໍ່ໄດ້ເອົາໃຈໃສ່ຄົ້ນຄ້ວາປະກອບຄຳຄິດເຫັນຕໍ່ບົດລາຍງານການເມືອງ 2ພາກ ແລະ ມີບົດສຳຫຼວດການນຳພາຂອງຄະນະບໍລິຫານງານຊາວໜຸ່ມເມືອງ ຕຸ້ມລານ,ເຊິ່ງຍົກໃຫ້ເຫັນຜົນງານ ແລະ ບົດຮຽນທີ່ຖອດຖອນໄດ້ຕະຫຼອດໄລຍະ 5 ປີຜ່ານມາ,ກອງປະຊຸມໄດ້ເຫັນດີເປັນເອກະພາບຮັບຮອງເອົາບົດລາຍງານການເມືອງ ແລະ ບົດສຳຫຼວດການນຳພາຂອງຄະນະບໍລິ ຫານງານຊາວໝຸ່ມເມືອງ ຕຸ້ມລານ ພ້ອມທັງໄດ້ຮັບຟັງການປະກອບຄຳຄິດເຫັນຈາກຕ່າງໜ້າຄະນະຊາວໜຸ່ມຈາກ ປກສ ,ປກຊ ແລະ ຂົງເຂດເສດຖະກິດ,ໜ່ວຍຊາວໜຸ່ມຫ້ອງການແນວລາວສ້າງຊາດ, ຕົວແບບການສ້າງກອງທຶນຊ່ວຍເຫຼືອເຊິ່ງກັນ ແລະ ກັນ ແລະ ຕົວແບບໃນການຕຳແຜນ ພ້ອມທັງໄດ້ມອບໃບຍ້ອງຍໍຂັ້ນເມືອງ ແລະ ຂັ້ນແຂວງໃຫ້ຜູ້ທີ່ມີຜົນງານດີເດັ່ນ,ຈາກນັ້ນຜູ້ແທນກອງປະຊຸມກໍ່ໄດ້ພ້ອມກັນໃຊ້ສິດປະຊາທິປະໄຕ ປອນບັດຄັດເລືອກເອົາຄະນະບໍລິຫານງານຊາວໜຸ່ມເມືອງ ຕຸ້ມລານ ໃນຊຸດໃໝ່ ຈຳນວນ 19 ສະຫາຍ,ຍິງ 4 ສະຫາຍ, ກອງປະຊຸມປະຖົມມະລຶກໄດ້ເຫັນດີເປັນເອກະພາບເລືອກເອົາສະຫາຍ ນາງ ສຳລັງ ບຸດຕະລາດບົວສີ ເປັນເລຂາຄະນະບໍລິຫານງານຊາວໜຸ່ມຊຸດໃໝ່,ສະຫາຍ ຊອນໄຊ ພົມສະຫວັນ ເປັນຮອງເລຂາ,ສະຫາຍ ຂັນທອງ ວັນນະວົງ ເປັນຜູ້ກວດກາ ແລະ ເຫັນດີເປັນເອກະພາບເລືອກເອົາ 10 ສະຫາຍເພື່ອເຂົ້ຮ່ວມກອງປະຊຸມໃຫຍ່ຢູ່ແຂວງສາລະວັນຄັ້ງທີ VII ໃນຕອນທ້າຍໄດ້ຮັບຟັງການໂອ້ລົມຈາກທ່ານ ຈັນສະໝອນ ພົມມະແສງ ກຳມະການພັກແຂວງ ເລຂາພັກເມືອງ ເຈົ້າເມືອງໆ ຕຸ້ມລານ ແລະ ທ່ານ ຈັນສີລອນ ສີສົມບູນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ ສາລະວັນ ຈາກນັ້ນກອງປະຊຸມກໍໄດ້ຮັບຜົນສຳເລັດລົງດ້ວຍການກ້າວປິດ ກອງປະຊຸມຂອງທ່ານ ນາງ ສຳລັງ ບຸດຕລາດບົວສີ ເລຂາຄະນະບໍລິຫານງານຊາວໜຸ່ມເມືອງ ຕຸ້ລານຊຸດໃໝ່ຢ່າງເປັນທາງການ
ພາບ ແລະ ຂ່າວ ແກ້ວສະໝອນ ມ້າວຄຳຜິວ

ອອກ​ຈາກ REPLY ເປັນ

Please enter your comment!
Please enter your name here