ສະຫະພັນກຳມະບານເມືອງ ຕຸ້ມລານ ແຂວງ ສາລະວັນ ເປີດກອງປະຊຸມ ຄັ້ງທີ VIII

IF

ໃນວັນທີ 19 ກັນຍາ 2018 ນີ້, ສະຫະພັນກຳມະບານເມືອງ ຕຸ້ມລານ ແຂວງ ສາລະວັນ ເປີດກອງປະຊຸມ ຄັ້ງທີ VIII ໂດຍພາຍໃຕ້ການເປັນປະທານຂອງທ່ານ ຄໍາໜອກ ໄຊຍະບຸດ ກໍາມະການພັກເມືອງ ປະທານຄະນະບໍລິ ຫານງານ ສະຫະພັນກໍາມະບານເມືອງ ຕຸ້ມລານ, ໃຫ້ກຽດເຂົ້າຮ່ວມຂອງທ່ານ ສຸລິດ ສິລິມະໂນທໍາ ປະທານຄະນະບໍລິຫານງານສະຫະພັນກຳມະບານແຂວງ ສາລະວັນ, ທ່ານ ຈັນສະໝອນ ພົມມະແສງ ກໍາມະການພັກແຂວງ ເລຂາພັກເມືອງ ເຈົ້າເມືອງໆ ຕຸ້ມລານ ພ້ອມນີ້ຍັງມີຄະນະບໍລິຫານງານ ສະຫະພັນກຳມະບານແຂວງ, ສະຫະພັນກໍາມະບານເມືອງ ແລະ ແຂກຖືກເຊີນເຂົ້າຮ່ວມ.
ທ່ານ ນາງ ພູວິໄລ ມະນີວົງ ຮອງປະທານສະຫະພັັນກໍາມະບານເມືອງ ຕຸ້ມລານ ໄດ້ຂື້ນຜ່ານຜົນງານການ ການຈັດຕັ້ງປະຕິບັດວຽກງານໃນໄລຍະ 5 ປີ 2014-2015, ຜ່ານມາອົງການຈັດຕັ້ງກຳມະບານແຕ່ລະຂັ້ນໄດ້ຖືເປັນ ສໍາຄັນຕໍ່ວຽກງານໂຄສະນາສຶກສາອົບຮົມການເມືອງ-ແນວຄິດເປັນຕົ້ນເພື່ອສຶກສາອົບຮົມພະນັກງານ-ລັດຖະກອນ ສະມາຊີກກໍາມະບານ-ກໍາມະກອນ ແລະ ຊາວຜູ້ອອກແຮງງານໃຫ້ເຊື່ອມຊືມ, ກໍາແໜ້ນແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມຂອງລັດ ແລະ ທິດທາງແຜນການຂອງສະຫະພັນກໍາມະບານເມືອງໃນແຕ່ລະໄລຍະ, ປັບປຸງບັນດາເນື້ອໃນ, ຮູບການໂຄສະນາໃຫ້ແທດເໜາະກັບແຕ່ລະກຸ່ມເປົ້າໜາຍເພື່ອສ້າງພື້ນຖານຄວາມ ຮັບຮູ້ຕິດພັນກັບຄວາມສາມັກຄີປຶກແຜນແໜ້ນໜ້າໃນຖັນແຖວສະມາຊິກກຳມະບານ,ກຳມະກອນ-ຊາວຜູ້ອອກແຮງງານ,ຈັດຕັ້ງປະຖະກະຖາເລົ່າມູນເຊື້ອວັນສຳຄັນຂອງຊາດ,ຂອງພັກ,ວັນສ້າງຕັ້ງອົງການຈັດຕັ້ງກຳມະບານລາວວັນກຳມະກອນສາກົນ ແລະ ວັນອື່ນໆ…ວຽກງານວິຊາສະເພາະ:ຄຸ້ມຄອງແຮງານຫົວໜ່ວຍແຮງງານ(ພາກວິຊາຫະກິດ)ມີ 5ແຫ່ງ,ຫົວໜ່ວຍແຮງງານຢູ່ຄົງເຂດອຸດສະຫາກຳ ມີ 6 ແຫ່ງ,ຈຳນວນກຳມະກອນທັງໝົດ 120 ກວ່າຄົນລົງຕິດຕາມເບິ່ງການດຳລົງຊີວິດ,ການອອກແຮງງານຢູ່ຫົວໜ່ວຍແຮງງານໄດ້ 6 ຫົວໜ່ວຍແຮງງານ,ເພີ່ມທະວີເຄື່ອນໄຫວປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາຊິກກຳມະບານ,ກຳມະກອນຊາວຜູ້ອອກແຮງງານຢ່າງຕັ້ງໜ້າເກັບກຳນຳສະເໜີຄວາມມຸ້ງມາດປາຖະໜາຂອງຊົນຊັນກຳມະກອນ,ຄົ້ນຄວ້າປະກອບຄຳຄິດເຫັນຕໍ່ການດຳເນີນແນວທາງນະໂຍບາຍຂອງພັກ,ລະບຽບກົດໝາຍຂອງລັດ,ສ້າງກອງທຶນຊ່ວຍເຫຼືອເຊິ່ງກັນ ແລະ ກັນ ແລະ ທານຸເຄາະເພື່ອເຮັດໜ້າທີ່ປົກປ້ອງ ແລະ ຊ່ວຍເຫຼືອພະນັກງານ,ສະມາຊິກກຳມະບານກຳມະກອນ,ຊາວຜູ້ອອກແຮງງານ,ສະຫາພັນກຳມະບານເມືອງຕຸ້ມລານພວກເຮົາສາມາດລະດົມສະມາຊິກກຳມະບານເຂົ້າກອງທຶນຊ່ວຍເຫຼືອເຊິ່ງກັນແລະກັນໄດ້ 457 ຄົນ,ມີເງິນກອງທຶນທັງໝົດ 50,800,000 ກີບ,ຜ່ານມາຂະບວນການແຂງຂັນດັ່ງກ່າວສາມາດສະຫຼຸບປະເມີນຜົນງານສະມາຊິກກຳມະບານທີ່ໄດ້ຮັບໃບຍ້ອງຍໍ້ 2 ດີ 5ເປັນເຈົ້າປີ 2013-2014ໃບຍ້ອງຍໍ້ສູນກາງກຳມະບານລາວຈຳນວນ 195 ຄົນ,ໃບຊົມເຊີຍສູນກາງກຳມະບານລາວ 120ຄົນ,ຜົນງານ 2 ດີ 5ເປັນເຈົ້າ 2014-2015: ຍ້ອງຍໍສູນກາງກຳມະບານລາວ 276 ຄົນ,ຍ້ອງຍໍສະຫາພັນກຳມະບານແຂວງ 18 ຄົນ,ໄດ້ຮັບຢັ້ງຢືນກຳມະບານຮາກຖານມີ 9 ຮາກຖານ,ຜົນງານ 5 ເປັນເຈົ້າປີ 2017ມີ 477 ຄົນ,ຜົນງານ 5 ເປັນເຈົ້າ ປີ 2018 ມີ 534 ຄົນ.
ຈາກນັ້ນ ໃນກອງປະຊຸມຍັງໄດ້ປ່ອນບັດຄັດເລືອກເອົາຄະນະບໍລິຫານງານສະຫາພັນກຳມະບານເມືອງ ຊຸດໃໝ່ເຊິ່ງມີຜູ້ສະໝັກຈຳນວນ 21 ສະຫາຍ,ເລືອກເອົາ 17 ສະຫາຍ,ໄດ້ເລືອກເອົາ ສະຫາຍຄຳໝອກ ໄຊຍະບຸດເປັນປະທານຄະນະບໍລິຫານງານສະຫາພັນກຳມະບານເມືອງຊຸດໃໝ່,ສະຫາຍ ກິໂນ ແກ້ວບຸນມີ ເປັນຮອງປະທານ,ສະຫາຍ ນ ສຸລິຄານ ໄຊຍະສອນ ເປັນຮອງປະທານ,ເລືອກເອົາສະຫາຍ ກິໂນ ແກ້ວບຸນມີ ເປັນປະທານກວດກາ,ສະຫາຍ ຍອດ ວົງຄຳຈັນ ເປັນຮອງປະທານກວດກາ,ສະຫາຍ ນ ແຫຼ້ ພົມມະຂັນ ເປັນຮອງປະທານກວດກາ, ແລະ ໄດ້ປ່ອນເອົາຜູ້ແທນເຂົ້າຮ່ວມກອງປະຊຸມໃຫຍ່ຂອງຜູ້ແທນສະຫາພັນກຳມະບານແຂວງ ມີຜູ້ສະໝັກ 13 ສະຫາຍ,ເລືອກເອົາ 9 ສະຫາຍ. ໃນຕອນທ້າຍຂອງພິທີຜູ້ເຂົ້າຮ່ວມຍັງໄດ້ຮັບຟັງການໂອ້ລົມຊີ້ທິດເຍືອງທາງຈາກຄະນະປະທານຕື່ມອີກ.
ມາຮອດນີ້ກອງປະຊຸ່ມກອງໃຫຍ່ຂອງສະຫາພັນກຳມະບານເມືອງ ຕຸ້ມລານ ໄດ້ຮັບຜົນສໍາເລັດລົງດ້ວຍຄວາມຈົບງາມທາມກາງບັນຍາກາດເບີກບານມ່ວນຊື່ນຢ່າງສຸດໃຈ.
ພາບ ແລະ ຂ່າວ ແກ້ວສະໝອນ ມ້າວຄໍາຜິວ

ອອກ​ຈາກ REPLY ເປັນ

Please enter your comment!
Please enter your name here