ກອງປະຊຸມເຄິ່ງສະໃໝ່ຄັ້ງທີ 9 ຂອງຄະນະບໍລິຫານງານພັກເມືອງ

ວັນທີ 2 ພຶດສະພາ 2018 ເມືອງຕຸ້ມລານ ແຂວງສາລະວັນໄດ້ເປີດກອງປະຊຸມເຄິ່ງສະໃໝ່ຄັ້ງທີ 9 ຂອງຄະນະບໍລິຫານງານພັກເມືອງຂື້ນຢູ່ທີ່ສະໂມສອນຂອງເມືອງຕຸ້ມລານ ໂດຍການເປັນປະທານຂອງທ່ານ ຈັນສະໝອນ ພົມມະແສງ ກໍາມະການພັກແຂວງ, ເລຂາພັກເມືອງ ເຈົ້າເມືອງໆຕຸ້ມລານ, ເປັນກຽດເຂົ້າຮ່ວມຂອງທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ ຮອງເຈົ້າແຂວງສາລະວັນ, ມີບັນດາທ່ານໃນຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານກຸ່ມບ້ານ-ນາຍບ້ານ ພ້ອມດ້ວຍແຂກຖືກເຊີນອ້ອມຂ້າງແຂວງເຂົ້າຮ່ວມ.

ທ່ານ ສົມຄິດ ກອງໄຊສະຫວັດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງຕຸ້ມລານ ໄດ້ລາຍງານສະພາບການຈັດຕັ້ງປະຕິບັດວຽກງານຮອບດ້ານໃນໄລຍະເຄິ່ງສະໄໝ ຄັ້ງທີ 9 ເປັນຕົ້ນ: ການພັດທະນາພື້ນຖານໂຄ່ງລ່າງຕາມແນວທາງນະໂຍບາຍຂອງພັກ, ການຄຸ້ມຄອງຂອງລັດໃນການພັດທະນາເສດຖະກິດ-ສັງຄົມ, ເຮັດໃຫ້ເສດຖະກິດມີການຂະຫຍາຍຕົວຢ່າງຕໍ່ເນື່ອງ ໃນລະດັບ 7,7%, ລວມຍອດຜະລິດຕະພັນພາຍໃນບັນລຸ 157,79 ຕື້ກີບ, ສະເລ່ຍລາຍຮັບຕໍ່ຫົວຄົນ 5 ລ້ານກວ່າກີບຕໍ່ຄົນຕໍ່ປີ, ເທົ່າກັບ 600 ກວ່າໂດລາ ທຽບໃສ່ປີ 2014 ເພີ່ມຂຶ້ນ 16%, ຂະແໜງກະສິກໍາເພີ່ມຂຶ້ນ 7,7%, ອຸດສາຫະກໍາ 4,1% ແລະ ການບໍລິການເພີ່ມຂຶ້ນ 4,2%, ດ້ານການລົງທຶນ ປະຕິບັດໄດ້ 35,54 ຕື້ກີບ, ໃນນັ້ນທຶນເອກະຊົນພາຍໃນ ແລະ ຕ່າງປະເທດ 17 ກວ່າຕື້ກີບ, ທຶນຊ່ວຍເຫຼືອລ້າ 3 ຕື້ກວ່າກີບ, ທຶນຂອງລັດ 15,38 ຕື້ກີບ, ມີ 11 ໂຄງການ ເທົ່າກັບ 52,26%ຂອງແຜນການ 5 ປີ, ເກັບລາຍຮັບເຂົ້າງົບປະມານ ປະຕິບັດໄດ້ 4 ຕື້ກວ່າກີບ, ທຽບໃສ່ແຜນ 5ປີ ປະຕິບັດໄດ້ 41%, ລາຍຈ່າຍປະຕິບັດໄດ້ 9 ຕື້ກວ່າກີບ ທຽບໃສ່ແຜນ 5 ປີ ປະຕິບັດໄດ້ 57%, ດ້ານການສົ່ງອອກສິນຄ້າ ປະຕິບັດໄດ້ 10 ຕື້ກວ່າກີບ, ທຽບໃສ່ແຜນ 5 ປີ ປະຕິບັດໄດ້ 13,33%, ມູນຄ່າການນໍາເຂົ້າປະຕິບັດໄດ້ 20 ຕື້ກ່ວາກີບ, ສ່ວນໃຫຍ່ແມ່ນວັດສະດຸກໍ່ສ້າງ ແລະ ນ້ຳມັນເຊື້ອໄຟ. ພ້ອມນີ້ຍັງໄດ້ສຸມໃສ່ຂົງເຂດວຽກງານວັດທະນະທໍາ-ສັງຄົມ ໂດຍໄດ້ເນັ້ນໜັກໃສ່ການປັບປຸງຄຸນນະພາບການສຶກສາ ແລະ ຂະຫຍາຍໂຮງຮຽນສາມັນສຶກສາໄປສູ່ຊົນນະບົດຢ່າງທົ່ວເຖິງ, ສາມາດປະກາດເປັນເມືອງຈົບຊັ້ນປະຖົມບໍາລຸງໃດ້ 100%,​ ແລະກຽມສຶບຕໍ່ປະກາດເປັນເມືອງຈົບຊັ້ນມັດທະຍົມຕົ້ນບໍາລຸງໃຫ້ສຳເລັດ 100%ໃນປີ 2018.

ສໍາລັບທິດທາງຕໍ່ໜ້າສືບຕໍ່ເຮັດໃຫ້ເສດຖະກິດຂອງເມືອງຂະຫຍາຍຕົວຕໍ່ເນື່ອງໃນລະດັບ 8% ຂື້ນໄປສະເລ່ຍລາຍຮັບຕໍ່ຫົວຄົນໃຫ້ໄດ້ 6 ລ້ານກ່ວາກີບ, ດ້າກະສີກຳປ່າໄມ້ກວມເອົາ 49%, ດ້ານອຸດສາຫະກຳກວມ 21%  ແລະການບໍລິການ 29%, ສືບຕໍ່ຄົ້ນຄວ້າຊອກຫາແຫຼ່ງລາຍຮັບເຂົ້າງົບປະມານໃຫ້ໄດ້ 5 ຕື້ກວ່າກີບ ແລະປະຕິບັດລາຍຈ່າຍໃຫ້ໄດ້ຕາມແຜນການ, ສູ້ຊົນເຮັດໃຫ້ອັດຕາຄວາມທຸກຍາກໃນ 5 ບ້ານ ແລະຄອບຄົວທຸກຍາກທີ່ຍັງເຫຼືອຈຳນວນ 600 ກວ່າຄອບຄົວໃຫ້ສໍາເລັດ 100% ໃນປີ 2019, ພັດທະນາພື້ນຖານໂຄງລ່າງເສັ້ນທາງຄົມມະນາຄົມລະຫວ່າງເມືອງຫາກຸ່ມ, ກຸ່ມຫາບ້ານໃຫ້ມີເສັ້ນທາງໄປໄດ້ 2 ລະດູກວມເອົາ 95%, ຂະຫຍາຍຕາຂ່າຍໄຟຟ້າສູ່ກຸ່ມບ້ານໃຫ້ໄດ້ 95%, ໃນປີ 2018 ແລະໃນປີ 2020 ໃຫ້ໄດ້ 100%, ກອງປະຊຸມຄັ້ງນີ້ຍັງໄດ້ຮັບຟັງເຊື່ອມຊືມມະຕິ 030, 031, 032/ກມສພ ແລະຄຳສັງ 01/ກມສພ, ພາຍໃນກອງປະຊຸມຍັງໄດ້ມີການແບ່ງຈຸ, ແບ່ງໜ່ວຍສຳຫຼວດກາຕຳນິສົ່ງຂ່າວເຊີ່ງກັນ ແລະກັນເພື່ອເຮັດໃຫ້ພັກມີຄວາມເຂັ້ມແຂງໜັກ ແໜ້ນເຊິ່ງກອງປະຄັ້ງນີແມ່ນຈະໄດ້ດໍາເນີນໄປເປັນເວລາ 3 ວັນຈຶ່ງຈະສໍາເລັດ

 

ພາບ ແລະ ຂ່າວ ແກ້ວສະໜອນ ມ້າວຄຳຜິວ

ອອກ​ຈາກ REPLY ເປັນ

Please enter your comment!
Please enter your name here